Кајсиите содржат големи количества калиум (К), витамин А и витамин Ц. Влијаат врз нормализирањето на работата на бубрезите и градбата на мочните канали, и истовремено го нормализираат исфрлањето на метаболитичките продукти. 

Долготрајното вриење и готвење предизвикува брзо уништување на витамините и минералите кои кајсиите ги содржат во себе.

Исушените кајсии кои можат да се најдат како суво овошје се со зголемена концентрација на минерали, но истовремено треба да се има во предвид дека истите се третирани со многу хемиски додатоци кои имаат токсично дејство, а тука неизбежно е користењето на препарати кои содржат сулфур диоксид.

Слично како и кај „братучедот“ од овошјата, бадемот, и плодот во коската од кајсијата содржи токсични материи познати како хидроцијанидна киселина или само цијанид кој треба да се избегнува. Конзумирањето на поголеми количини од овие плодови може да биде фатално за човекот.

Една кајсија со средна големина од околу 75 грама во себе содржи 36 калории, 7 грама карбохидрати, 1 грам протеини, 140 милиграми калиум, и околу 8% од човековите дневни потреби за витамин Ц.